NAGING matagumpay ang selebrasyon ng 28th anniversary ng Enchanted Kingdom (EK) sa buwan ng Oktubre, kung saan kada Sabado ay espesyal na event ang inihahandog ng EK.
Matatandaang, noong Oktubre 7, binigyang pagpupugay ng EK ang mga guro bilang pagdiriwang ng “National Teachers’ Month”.
Oktubre 14, tinipon ng EK ang mga kabataan para sa espesyal na story telling ng EK character na si Eldar.
Noong Oktubre 21, pinasaya ng mga content creator at social media influencers ang mga audience sa kani-kanilang mga dance performances.
‘‘What’s your enchanted story?’’ Ito ang naging tema ng selebrasyon dahil nais ng EK na magpasalamat sa lahat na naging bahagi ito ng kani-kanilang kwento o karanasan sa pagbisita sa Enchanted Kingdom.
Kilala ang EK na paboritong theme park ng mga Pinoy dahil sa iba’t ibang mga rides na mayroon ito.
At nitong Oktubre 28 ang Grand Finale ng selebrasyon.
Talagang nakipagsabayan ang mga audience sa iba’t ibang performance ng SMS, dwta at ang pinaka-inaabangan ng lahat— ang singing performance ng sikat na Filipina singer at rapper na si KZ Tandingan.
Nagpasalamat naman ang committee chairman ng 28th Anniversary na si Mr. Nico Mamon sa patuloy na pagtangkilik ng mga Filipino sa Enchanted Kingdom.
Firework Display Competition, ibinida sa 28th Anniversary ng Enchanted Kingdom
At isa sa mga highlights ng selebrasyon ay ang Sky Wizardry Fireworks Competition kung saan tatlong finalist ang naglalaban-laban nito.
First finalist, ang St. Vincent Pyrotechnics Services and Trading.
Second finalist, Pyroworks International Inc.
At ang third finalist, AL Aquino Fireworks.
Ang dahil sa makulay at lakas ng impact at sabayang galaw ng fireworks sa musika, tinanghal na champion ang 2nd finalist na Pyroworks International Inc.
Enchanted Kingdom, magbubukas na araw-araw simula Disyembre 17
Inanunsiyo ng EK na simula Disyembre 17 ay puwede nang araw-arawin ang Enchanted Kingdom ng magpapamilya, magkakaibigan at magkakatrabaho.
Para sa karagdagang kaalaman tungkol sa Enchanted Kingdom maaring mag-download ng EK Application sa inyong mga cellphone.
