PINANGALANAN na ni Philippine Olympic Committee (POC) President Bambol Tolentino ang tatlong atleta na sasabak sa nalalapit na Winter Youth Olympics sa Gangwon, South Korea.
Ang mga nasabing atleta ay sina Peter Groseclose na sasabak sa short track speed skating event; Avery Balbanida sa cross country; at Laetaz Rabe naman sa freestyle slopestyle at freestyle big air event.
Bagama’t tropical country ang Pilipinas, hindi ito pahuhuli sa pakikipagkumpetensiya sa Winter Games.
Ang Winter Youth Olympics ay gaganapin mula Enero 19 hanggang Pebrero 1, 2024 kung saan aabot sa 1,900 manlalaro mula sa iba’t ibang bansa ang lalahok.
Ito na ang pangatlong pagkakataon na sumali ang Pilipinas sa Winter Games mula taong 2012 at 2020.
