ARESTADO ang apat katao sa Zamboanga City dahil sa umano’y pagpupuslit ng ilang sako ng asukal.
Sa ulat, naaresto ang apat na suspek nitong Nobyembre 11, 2024 matapos nahuling dala nila ang kabuuang 900 na sako ng asukal sa dalawang magkahiwalay na truck.
Tatlo sa mga suspek ay truck drivers habang ang isa ay truck helper.
Sa ngayon ay nagpapatuloy ang imbestigasyon kung sino ang may-ari ng mga puslit na asukal ngunit nahaharap na ang mga nahuling suspek sa kasong kriminal dahil sa paglabag sa Food Safety Act of 2013.
