NAHULI ang apat na kalalakihan sa ikinasang drug buy bust operation ng Quezon City Police Department (QCPD) Station Drug Enforcement Unit (SDEU).
Aabot sa walong pirasong heat sealed transparent plastic sachet na naglalaman ng hinihinalang shabu na may timbang ng 5 gramo at may DDB value na PhP 34,000.00 ang nasamsam sa apat na kalalakihan matapos mahuli sa ikinasang drug buy bust operation kagabi ng mga operatiba ng QCPD SDEU Galast station 11 sa lungsod Quezon.
Isinagawa ang buy bust ng alas 9:15 kagabi ng Disyembre 22, 2021 sa kahabaan ng Mindanao St. corner Union Civica St. Brgy. Sto. Niño sa lungsod ng Quezon.
Batay sa report ng mga operatiba sa pangunguna ni Plt. Glenn F. Gonzales sa ilalim ng direktang pangangasiwa ng Plt. Col. Von June B. Nuyda.
Kinilala ang mga naaresto na sina Angelito Galera Y. Campos, Ruel Magallanes Y. Abarca, Jerickson Abundo y Tatelat, Jonathan Fulgencio Benitez.
Narekober din sa apat ang ginamit na mark money, dalawang cellphone na ginagamit pang transaksyon sa kanilang mga parokyano na kapwa nakapiit na ngayon sa jail facilities ng QCPD SDEU Galas Station 11, at kapwa nahaharap sila sa kasong paglabag ng Sec. 5 at Sec. 11, Art. II ng RA 9165.
