MAGPAPALABAS ng 4 na unreleased songs ang American pop superstar na si Taylor Swift bilang pagdiriwang sa kaniyang nalalapit na “The Eras Tour”.
Inanunsiyo ito mismo ni Taylor sa kaniyang Instagram stories nitong Biyernes, March 17, 2023, Manila time.
Mamayang hatinggabi, plano ng superstar ipalabas ito at ang tinutukoy na kanta ay ang “Eyes Open- Taylor’s Version”, “Safe and Sound” feat. Joy Williams and John Paul White, “If This Was a Movie-Taylor’s Version,” at “All of the Girls You Loved Before”.
Samantala, ang “The Eras Tour” ni Taylor ay magsisimula sa March 18 sa Glendale, Arizona, USA.
