INANUNSYO ng Mrs. Universe Philippines Foundation na anim na major at national titles ang kanilang igagawad sa 20 nitong kandidato ngayong taon.
Ayon sa organisasyon, kasama sa tinutukoy na major titles ang Mrs. Universe Philippines Fdn-Continental Asia; Mrs. Universe Philippines Fdn-Pacific Continental; at Mrs. Universe Philippines Fdn-West Pacific Asia.
Maging ang Mrs. Universe Philippines Fdn-Northeast Asia; Mrs. Universe Philippines Fdn-North Pacific Asia; at ang main title na Mrs. Universe Philippines.
Ang coronation night ay gaganapin sa Oktubre 2 sa Okada Manila, Parañaque.
Sasabak din ang anim na mananalo sa Mrs. Universe Limited Pageant na gaganapin sa South Korea sa December kung saan mahigit 100 delegado ang inaasahang lalahok.
