UMANGAT ang ranggo ng anim na matataas na opisyal ng Armed Forces of the Philippines (AFP).
Isinagawa ang donning of ranks ceremony sa pangunguna ni AFP chief of staff General Romeo Brawner, Jr. sa AFP General Headquarters, Camp Aguinaldo, Quezon City.
Kabilang sa mga bagong promote na opisyal ay si Lieutenant General Steve Crespillo, Inspector General ng AFP; Major General Arvin Lagamon, Deputy Chief of Staff for Civil-Military Operations, J7; Commodore Peter Jempsun de Guzman, Assistant Deputy Chief of Staff for Operations, AJ3.
Gayundin sina Brigadier General Benedict Balaba, Deputy Chief ng AFP Intelligence Service; Brigadier General Ramon Flores, Commandant of Cadets ng Philippine Military Academy; at Brigadier General Ivan Papera, hepe ng AFP Systems Engineering Office.
Sa kaniyang mensahe, hinimok ni Brawner ang anim na opisyal na patuloy na ipamalas ang core values ng AFP na honor, integrity, at service sa pagganap ng kanilang mga tungkulin sa militar.
