BINIGYAN ng AFP Western Mindanao Command (WestMinCom) ng foyer honor si AFP Deputy Chief of Staff Vice Admiral Rommel Anthony Reyes sa pagbisita sa Camp Navarro sa Calarian, Zamboanga City.
Ito ay kasabay ng kanyang exit call kay AFP WestMinCom Commander Lieutenant General Roy Galido.
Pinuri ni Reyes ang WestMinCom sa ilalim ng pamumuno ni Galido para sa lahat ng matagumpay na operasyon at ang kanilang peaceful mechanisms.
Gayundin, binati ni Galido si Reyes para sa matagumpay na karera sa militar at ang ginawa nitong pagbisita sa kanilang kampo.
Maliban dito, binisita rin ni Reyes ang iba pang yunit ng WestMinCom bago ang kanyang pagreretiro sa serbisyo sa susunod na buwan.
