MULING itinanggi ni Deputy Speaker Gloria Macapagal-Arroyo ang mga alegasyon ng kudeta.
Binatikos din nito ang napapabalitang naluko siya ng isang kongresista na nagsasabing suportado ni First Lady Liza Araneta-Marcos ang planong pag-alis kay Rep. Martin Romualdez bilang House Speaker.
Humingi naman ng paumanhin ang Dating Pangulo sa Unang Ginang dahil nakakaladkad ang kaniyang pangalan sa tinawag nitong ‘political fantasy of a house coup’.
Isa rin aniyang insulto ito sa katalinuhan ng First Lady.
Binigyang-diin pa ni Arroyo na hindi magtatagumpay ang kudeta sa Kamara kung walang basbas ang Pangulo.
Hiningi rin nito sa nagpapakalat ng maling impormasyon na dapat nang mag-move on at gumawa ng kontribusyon na makatutulong sa pag-unlad sa bansa.
