DEAD on the spot ang ama ni Doctor Chao Tiao Yumul, ang suspek sa shooting incident sa Ateneo de Manila University kamakailan.
Ito’y matapos pagbabarilin ng riding-in-tandem sa labas ng kanilang tahanan sa Barangay Rizal, Lamitan City, Basilan.
Nangyari ang insidente kaninang pasado alas sais ng umaga, Hulyo 29.
Matatandaan nakaraang Linggo, Hulyo 24, napatay sa shooting incident sa tapat ng Arete building sa loob ng campus ng Ateneo si dating Lamitan City, Basilan, Mayor Rose Furigay, ang kanyang aide na si Victor Capistrano at university guard Jeneven Bandiala.
Mabilis namang nahuli ang suspek na si Yumul, 38-taong gulang na residente rin ng Lamitan City, Basilan.
Dahil sa insidente, nakansela ang graduation ng Ateneo Law School kung saan dadalo sana si Furigay para sa kanyang anak.
Abangan ang karagdagang detalye ng balita.
