BUMISITA sa Office of the Vice President (OVP) si Ambassador of the Republic of Finland, His Excellency, Juha Markus Pyykko.
Sa isang makahulugang pagtitipon nila ni Vice President Sara Duterte, tinalakay ang pagpapalakas ng ugnayan sa bansang Finland sa pamamagitan ng pagbubukas muli ng embahada ng Pilipinas sa Helsinki sa darating na taon.
Dagdag pa rito, magbubukas din ang kanilang mga honorary consulate sa Cebu at Davao, at magdadala ng malawakang mga oportunidad sa kalakalan at kultura.
Sa larangan ng edukasyon, ang Finland ay isang huwaran, kilala sa kanilang natatanging reputasyon bilang isa sa mga pinakamahusay sa sektor ng edukasyon.
Nagtala sila ng mataas na ranggo sa mga pandaigdigang pagsusuri tulad ng Program for International Student Assessment (PISA), na nagpapatunay sa kanilang kahusayan.
Sa ganitong paraan, patuloy na pinaiigting ng bansa ang kaugnayan sa bansang Finland.
Ayon kay VP Duterte, handa ang bansa na tumanggap ng mga aral at inspirasyon mula sa kanilang natatanging karanasan sa larangan ng edukasyon.
