OPISYAL nang nanumpa sa tungkulin si Ariel Nepomuceno bilang bagong Commissioner ng Bureau of Customs (BOC).
Pinangunahan ni Pangulong Ferdinand Marcos Jr. ang panunumpa ni Nepomuceno sa Malacañang nitong Lunes, Hunyo 30.
Papalitan ni Nepomuceno si dating Commissioner Bienvenido Rubio sa naturang posisyon.
Bago italaga sa Customs, nagsilbi si Nepomuceno bilang Executive Director ng National Disaster Risk Reduction and Management Council, at Undersecretary sa Office of Civil Defense.
Ang kaniyang karanasan sa disaster response at crisis management ang inaasahang magiging mahalagang pundasyon sa kaniyang bagong papel sa ahensiya.
