NOMINADO ang aktor na si Arjo Atayde para sa ‘Best Lead Actor’ sa 2023 Asia Content Awards para sa kaniyang pagganap bilang Agent Anton dela Rosa sa drama series na “Cattleya Killer”.
Mayroong 10 kategorya ang Asia Contents Awards (ACA) kabilang na rito ang Best Creative Award, Best Lead Actor/Actress, Best Supporting Actor/Actress, at Best Reality & Variety Award, at iba pa.
Gaganapin ang ACA at Global OTT Awards sa BIFF Theater, Busan Cinema Center sa Busan sa Oktubre 8.
Ang ACA na itinatag noong 2019 ay isang taunang event na ipinagdiwang ang achievements ng mga creator ng TV, OTT at iba pang online platforms sa Korea at sa buong Asya.
