NASA Mindanao ang Australian delegation para magbigay ng tulong sa ating mga kababayan.
Mula sa pag-iikot sa model farms, hanggang sa presentasyon ng modernong farm machineries.
‘Yan ang schedule ng Australian delegation sa pagpunta nila araw ng Miyerkules, Oktubre 11 sa probinsya ng Agusan del Sur.
Mismo ang Chief Scientist Australian Centre for International Agricultural Research na si Dr. James Quilty at si Australian Deputy Ambassador to the Philippines James Yeoman ang nagpunta.
Kasabay niyan, tiniyak ng Australian delegation na buhos ang suporta nila sa Agusan del Sur.
Lalo na sa larangan ng agriculture at soil-science based farming system.
‘‘Ideally what we formed is more than just partnerships and relationships. We’re actually really working towards a shared vision and becoming friends,’’ ayon kay Dr. James Quilty Chief Scientist, Australian Centre for International Agricultural Research.
Nitong Setyembre 8 nang lumagda sa isang memorandum of understanding (MOU) sina Pangulong Ferdinand R. Marcos, Jr. at Australian Prime Minister Anthony Albanese.
Kabilang sa deal ang pagsasaayos sa soil health strategy ng Pilipinas na popondohan ng $4.4-M ng Australia.
Saklaw rin ng strategic partnership ang defense at maritime matters, pagpapalakas ng counterterrorism at law enforcement, at pagpapalalim ng kooperasyon sa climate action, edukasyon, development, at people-to-people exchanges.
‘‘And so, one of the most important things about that is to make sure that it’s not just a document signed on paper but put into action,’’ ayon naman kay James Yeoman Australian Deputy Ambassador to the Philippines.
Para kay Agusan del Sur Gov. Santi Cane Jr., ang pagpunta ng Australian delegation sa probinsiya ay hudyat na seryoso ang Philippine-Australia deal.
‘‘This could be the beginning of a more and closer relationship between Agusan del Sur and the Australian government,’’ ayon kay Gov. Santi Cane Jr., Province of Agusan del Sur.
Sinabi rin ni Cane na malaging bagay ang suporta ni Pangulong Marcos sa soil-science strategy nila sa probinsiya.
Para hindi lamang sa Agusan del Sur kundi buong Pilipinas ang makinabang dito.
Malapit na ugnayan ni Pangulong Bongbong Marcos sa Australia, malaking tulong sa Agusan del Sur
‘‘Napakalaking factor ‘yun. Because it means ang mga plano namin for agriculture in the country is supported by no less than the President and at the same time the Secretary of Agriculture.’’
‘‘At lalong-lalo na nabanggit ‘yung soil science. I really jump with joy, why? Because it will complement the programs of Agusan del Sur in-terms of soil science,’’ dagdag ni Cane.
Kabilang sa partnership ng Australia at Provincial government ang suporta sa Soils Laboratory na itatayo ng probinsiya.
Kasama na ang mga ekspertong magtuturo nito gaya ng soil chemists, soil microbiologists at iba pa.
Pati na ang pagbibigay ng modern farm technologies sa Agusan del Sur.
At higit sa lahat ang research and development at good governance sa planning at implementation ng mga programa.