DADALO si suspended Bureau of Corrections Dir. General Gerald Bantag sa preliminary investigation ng Department of Justice (DOJ) sa kaso sa pagpatay sa brodkaster na si Percy Lapid.
Ani Bantag, handa siyang dumalo kasama ang kanyang legal counsel na si Rocky Balisong.
Kaugnay nito, inamin ni Bantag na walang sinuman sa kanyang tirahan sa Caloocan City ang tatanggap ng kanyang subpoena kung saan inilagay ng mga awtoridad ang subpoena sa isang plastic packet at isinabit ito sa gate.
Sinabi naman ng abogado ni Bantag maaaring ipadala ang subpoena sa Baguio City kung saan naroroon ngayon ang suspended BuCor chief na si Bantag.
