NAGTIPON-tipon ang mga supporter ng BBM-Sara tandem sa Calgary, Alberta, Canada bilang suporta sa alyansa.
Nagsagawa ng isang malawakang caravan at concert ang solid BBM-Sara UniTeam supporters ng Partido Federal sa Calgary, Alberta sa kabila ng malamig na panahon upang ipakita ang suporta sa alyansa sa nalalapit na eleksyon.
“Tayo ay naniniwala sa kanila, dahil ang puso nila, ang puso ni BBM at Sara ay talagang service for the Filipino people, hindi sila nagseserve sa kung sino man, kung di para sa mga Pilipino,” ayon kay Maria Lirio Oberio-Puno.
‘’Alam ko na in the next 6 years mas magiging progressive ang bansang Pilipinas,” saad nito.
Malaki ang paniniwala ng mga supporter ng BBM-Sara tandem sa Calgary, Alberta at umaasa ang mga ito na magpapatuloy ang Build, Build, Build program ng administrasyong Duterte.
“Isang proyekto na ipagpatuloy ni BBM kung sakaling siya po ay manalo itong Build, Build, Build. Napakaimportante po itong Build, Build, Build lalong lalo na po itong mga tulay, lalo na po itong mga businessman na mas lalo pa pong mapabilis ang transportation papunta po sa kanilang destination at isa po itong Build, Build, Build ito ang mga hospital, schools kaya napakaimportante po yan. Kay BBM nanniniwala po kami na isang proyekto po na ipagpatuloy niya ang proyekto ni Duterte, thank you very much SMNI, mabuhay po tayong lahat,’’ ayon kay Rex Manuel Presidente ng Partido Federal sa Alberta.
