SINUSPINDE ng Filipino pop band na Ben&Ben ang kanilang July 2 Isabela show kasunod ng pagpositibo sa COVID-19 ng dalawa pa nitong miyembro.
Inanunsyo ito ng grupo sa kanilang Twitter page kahapon, June 29.
Si lead singer Paolo Benjamin Guico at percussionist-vocalist Toni Munoz ang latest na nahawaan ng COVID-19 sa pop band.
Nauna nang inanunsyo ng grupo na hindi matuloy ang kanilang June 26 Surigao show dahil nagpositibo rin sa COVID-19 ang twin brother ni Paolo na si Miguel Benjamin Guico.
Tiniyak naman ng Ben&Ben na hindi malala ang kondisyon ng mga nagkasakit na miyembro.
Sa September ngayong taon ay magsasagawa ng concert ang Ben&Ben sa CCP Open Grounds bago ito tutungo sa Estados Unidos at Canada para sa isang tour.
