IPINASARA ni Manila City Mayor Isko Moreno Domagoso ang isang business establishment sa Binondo matapos i-label ng manufacturer ang Maynila bilang probinsiya ng China.
Sa isang Facebook live ni Mayor Isko Moreno, ipinaskil sa ilang mga shop na pagmamay-ari ng manufacturer ng Ashley Shine Keratin Treatment Deep Repair ang closure order.
Ang Ashley Shine Keratin Treatment Deep Repair ay dini-distribute ng elegant fumes beauty products, isang Binondo-based na kompanya at pag-aari ng isang Chinese national.
Una nang nanawagan si PBA Party-List Representative Jericho Nograles sa Department of Trade and Industry (DTI) at Food and Drugs Administration (FDA) na ipagbawal ang pagbebenta at distribusyon ng nasabing produkto sa Pilipinas.