KASAMA ng Gilas Pilipinas sa Asian Games sina Calvin Abueva at Terrence Romeo.
Balik na sa kanilang duty sa national team sina Calvin Abueva at Terrence Romeo.
Kasama na sa pagsasanay ng Gilas Pilipinas ang dalawa bilang paghahanda sa Asian Games ngayong Setyembre 25 sa Hangzhou, China.
Kasama rin sa pagsasanay ng Gilas sa PhilSports Arena sa Pasig sina Justin Brownlee, Ange Kouame, June Mar Fajardo, Scottie Thompson, Japeth Aguilar, Chris Newsome, Calvin Oftana, Mo Tautuaa, Jason Perkins, at Stanley Pringle.
Pero nilinaw naman ni Coach Tim Cone na hinihintay pa ngayon ang pag-apruba ng Asian Games organizers sa pagsali nina Abueva at Perkins.
Samantala, sa Setyembre 22 ay posibleng magkakaroon ng tuneup game ang Gilas kontra South Korea Club LG Sakers dito sa bansa.
