MALAKING karangalan para kina Chen at Xiumin, ang dalawa sa siyam na members ng South Korean boy group na EXO dahil kabahagi sila sa “Be You 2” concert.
Ito’y dahil ang “Be You 2” ay isang concert for a cause kung saan binibigyang pugay nito ang mga nakatatanda sa Pilipinas.
Ayon pa sa dalawa, hindi lang sila nakatulong para sa isang adbokasiya kundi isang oportunidad na rin ito para muling makasama ang kanilang Filipino fans.
Hindi naman nabigo ang dalawang EXO members dahil sa concert ay narinig nito muli ang mga hiyaw ng kanilang fans sa bansa.
Ang EXO ay sikat sa kantang Wolf, Growl, Love Shot at Monster.
Kaugnay nito, ibinahagi ni Chen na nais niyang makapag-ikot sa mga tourist spot ng Pilipinas maging ang kumain sa ilang delicacies sa bansa tulad ng balot.
Kasama ng EXO members sa “Be You 2” concert noong December 8 at 9 ay ang kapwa label mates nito na sina “Kpop queen” Boa at Yunho at Changmin ng boy group na TVXQ.
Kasama rin nito ang ilang Filipino artists na sina Pilita Corrales, Ian Veneracion at iba pa.
