Confidential funds, gagamitin vs sa mga nambibiktima ng mga estudyante –DepEd

Confidential funds, gagamitin vs sa mga nambibiktima ng mga estudyante –DepEd

MULING dinipensahan ng Department of Education (DepEd) ang pagkakaroon ng P150-M confidential funds nito.

Pagbibigay-diin ni Atty. Michael Poa, tagapagsalita ng DepEd, gagamitin ang nasabing pondo laban sa mga kriminal na nambibiktima ng mga estudyante.

Ayon pa kay Poa, maraming mga criminal activity na nangyayari sa loob ng paaralan.

“Confidential funds will be used, as was already stated, for the protection of our learners. Ano po ba iyon? Past few weeks alam po natin sa media all over, ang daming sexual grooming cases. Ang dami pong sexual abuse. Ang dami pong mga cases na nagbebenta ng mga drugs sa school. Whether it be galing sa labas o galing sa ating mga teachers mismo o sa mga learners. Marami din po tayong mga cases of criminal activities sa ating mga paaralan,” pahayag ni Poa.

Dahil dito aniya kinakailangan ng confidential funds para sa mas maayos na intelligence at surveillance laban sa mga elemento na naghihikayat sa  mga mag-aaral na gumawa ng kriminalidad.

Dagdag pa ni Poa na hindi lang nakatuon ang DepEd sa pagbibigay ng kalidad na edukasyon pero maging na rin sa kaligtasan ng mga mag-aaral laban sa mga pang-aabuso at karahasan.

Binigyang-diin din nito na walang mangyayaring ‘overlapping’ ng mandato sa pagitan ng DepEd at iba pang government agencies.

Ani Poa, iba ang confidential funds sa intelligence funds ng PNP at militar.

Sa Senate Budget Hearing kahapon, tiniyak ni Vice President at Education Sara Duterte na gagamitin lamang ang confidential funds kung para saan ito nakalaan.

“With regard to the confidential funds, this is a proposal that we submitted to Congress. As I said earlier with regard to the confidential funds of the Office of the Vice President, we submit to the wisdom of Congress with regard to the amount and the proprietary matter on decision on the confidential funds but we would like to put it on record that we reassure the Congress and the public at these funds will be used in relation to what is allowed in the  joint circular those agencies that I mentioned earlier 2015-01,” ayon kay VP Sara.

Samantala, kinilala naman ni Vice President Duterte ang mahalagang papel ng PNP sa pagtitiyak ng kaligtasan ng mga estudyante sa papalapit na full implementation ng face-to-face classes.

Ngayong araw, dumalo si VP Duterte bilang panauhing pandangal sa 121st Police Service Anniversary at sa 48th Founding Anniversary ng Southern Police District na ginanap sa SPD Headquarters, Fort Bonifacio, Taguig City.

Follow SMNI NEWS in Twitter