NAGAWANG makabawi ng Creamline Cool Smashers sa slow start nito upang ipanalo sa 4 set ang laban sa Choco Mucho sa Premier Volleyball League Reinforced Conference.
Natalo ang semis-bound na Cool Smashers sa unang set bago nito kunin ang 3 sunod sunod na set na nagtapos sa iskor na 15-25,25-20,25-20,28-26.
Pinangunahan ni Tots Carlos ang panalo ng Creamline na may 25 points na sinundan naman ni Ced Domingo ng 15 points at dinagdagan din ito ni multiple MVP awardee Alyssa Valdez ng 14 points.
Sa panalong ito ng Creamline ay itinulak nito ang Flying Titans sa bingit ng elimination sa semifinals na kasalukuyang may standing na 3-4.
