NAKIKITANG hakbang ngayon ng Department of Agriculture (DA) ang paggamit ng advanced space technology upang mapataas pa ang farm productivity at mapahusay ang project monitoring ng sektor.
Ito ay sa pakikipagtulungan ng Bureau of Agricultural and Fisheries Engineering, at Philippine Space Agency (PhilSA) para sa implementasyon ng Digital Agri Project Phase 1.
Ayon kay Agriculture Secretary Francisco Tiu Laurel Jr., mahalagang matanggap ang technological advances para sa pagtugon sa mga hamon na kinakaharap ng mga magsasaka at pagtiyak ng food security sa bansa.
Ang mga impormasyon ay makakatulong sa policymakers na may real-time data at insights para sa strategic planning at decision-making.
Hinimok din ni Laurel ang tulung-tulong sa pagsisikap na malampasan ang mga hamon sa digital infrastructure at teknolohiya.
