DALAWANG overseas Filipino workers (OFWs) ang natagpuang wala nang buhay sa Dubai, United Arab Emirates noong Hulyo 27 ng taong ito.
Sa kasalukuyan ay hindi pa inilabas ang tunay na pagkakakilanlan ng mga biktima kung saan isa sa mga ito ay may sugat sa leeg.
Ayon sa Philippine Consulate General sa Dubai, ipinaalam na sa pamilya ng mga nasawi ang nangyari sa mga biktima.
Sa ngayon ay nakipag-ugnayan ang Philippine Consulate General sa Dubai Police upang magsagawa ng imbestigasyon sa nangyari sa dalawang Pinoy workers.
Wala pang karagdagang detalye na ibinigay ang mga otoridad ng UAE at kasalukuyan pang iniiimbestigahan ang mga pangyayari.
Nagpaabot na rin ng pakikiramay ang Philippine Embassy sa Abu Dhabi sa mga pamilya ng dalawang OFW.
