ARESTADO ng mga tauhan ng Philippine National Police – Integrity Monitoring and Enforcement Group (PNP-IMEG) ang isang dating pulis na sangkot sa robbery-extortion.
Kinilala ni PNP-IMEG Director Police Brigadier General Warren de Leon ang suspek na si Police Staff Sergeant Michael Rikk Carpena na nahuli sa operasyon sa Brgy. Banlic, Calamba City, Laguna.
Si Carpena ay naaresto sa bisa ng warrant of arrest na inilabas ng Muntinlupa Regional Trial Court (RTC) dahil sa pagkakasangkot sa insidente ng pagnanakaw sa Philippine Offshore Gaming Operations (POGO) establishment noong Agosto 2020.
Napag-alaman na si Carpena ay miyembro ng Arnaiz-Quilpa Kidnap for Ransom Group na sangkot sa robbery hold-up activities.
Samantala, kabilang din si Carpena sa national watch list on illegal drugs noong 2020.
