NIYANIG ng magnitude 5.2 na lindol ang Davao Oriental ngayong umaga ayon sa Philippine Institute of Volcanology and Seismology.
Ito ay nangyari ngayong alas 8:56 ng umaga sa munisipalidad ng Governor Generoso.
Ito ay may lalim na 33 kilometers at tectonic in origin.
Kaugnay nito, intensity 4 ang naramdaman sa Governor Generoso, Banaybanay, Tarragona, Davao Oriental; Mati City at Maco at Pantukan, Davao de Oro.
Intensity 3 naman sa Santa Maria, Davao Occidental; Lupon at San Isidro, Davao Oriental; Tagum City, Davao del Norte; Rosario, Agusan del Sur; Koronadal City; Davao City.
Naramdaman naman ang intensity 2 sa Kidapawan City; Makilala, at Magpet, Cotabato; Tupi, South Cotabato; Compostela, at nabunturan, Davao de Oro.
Samantala, intensity 1 naman sa General Santos City at Tantangan, South Cotabato.
Ayon sa Phivolcs, asahan ang aftershocks at sira dahil sa lindol.