NAGKAROON ng exit call si Defense Attache ng Turkey to the Philippines Captain Lemi Zik sa Armed Forces of the Philippines (AFP) ngayong araw.
Nakaharap niya si AFP vice chief of staff Lieutenant General Erickson Gloria sa General Headquarters Building, Camp Aguinaldo, Quezon City.
Si Zik ay nakatakdang matapos ang termino bilang Defense Attache sa Marso 31.
Magkakaroon din ito ng pulong sa mga commander ng Philippine Army, Philippine Air Force at Philippine Navy, gayundin kay Defense Secretary Delfin Lorenzana.
