‘Dialysis Centers Para sa Bayan’, inilunsad sa Quezon City

‘Dialysis Centers Para sa Bayan’, inilunsad sa Quezon City

NAGLUNSAD ng libreng dialysis centers si Congressman Marvin Rillo para sa mga residente ng 4th District ng Quezon City.

Isa itong public-private partnership program para sa isang state-of-the-art dialysis treatment.

Matatagpuan ito sa Barangay UP Campus at Doña Imelda at kalaunan ay kakalat sa iba pang mga barangay.

Katuwang ni Rep. Rillo sa programang ito ang Passion Healthcare Philippines Inc.

Ang ‘Dialysis Centers Para Sa Bayan’ ay may layong itaas ang kalidad ng health care services ng mga taga-QC.

Kailangan lamang ng PhilHealth para ito’y ma-access.

“Kasi noong una, dapat yung patient magbabayad pa ng konting gastos. Sinabi ko no, dapat wala na as in total zero. So nagkasundo lang kami, ang kailangan lang na requirement ng patient number 1 dapat may PhilHealth sila. Ngayon sa mga walang PhilHealth, doon po sa dialysis center inassure po natin at siniguro ko na may PhilHealth section doon na ‘pag pumunta ang tao wala silang PhilHealth, pwede silang mag-apply ng PhilHealth right there and there to avail of this program,” ani Rep. Marvin Rillo, 4th District, Quezon City.

Ayon kay Rillo, may chronic kidney disease epidemic sa bansa kaya malaking tulong ang libreng dialysis treatment sa constituents.

Nilinaw naman ni Rillo na hindi lamang sa mga taga lugar niya kundi para sa lahat.

 “Most of you will ask are these dialysis centers exclusive for the residents of the 4th District of Quezon City? No, it is for everybody. Everybody may avail even though you do not belong to our district. But, there will be a special lane and special treatment of course when you belong to the 4th District of Quezon City,” dagdag pa nito.

“So, I would like really to thank Cong. Rillo and his team because they thought of partnering with private companies no to come up agad for the establishment of a dialysis center,” saad ni Dir. Gloria Balboa, DOH Metro Manila Center for Health Development.

Sa Enero na gagana ang ‘Dialysis Centers Para Sa Bayan’.

Follow SMNI NEWS in Twitter