MAGKAKAROON ng tatlong mega job fairs ngayong buwan ang Department of Labor and Employment (DOLE).
Sa anunsiyo ng ahensiya, ang pinakauna ay ngayong araw ng Biyernes, Setyembre 13 na available sa 69 na lokasyon sa buong bansa.
Inaasahang nasa 915 na employers ang sasali dito.
Ang magiging job fair naman sa Setyembre 18-20 ay gaganapin sa World Trade Center, Pasay habang sa Setyembre 19-21 ay sa SMX Convention Center sa Pasay rin.
Ang tatlong mega job fairs ay inisyatibo ng ahensiya para matugunan ang tumataas na unemployment rate sa bansa.
Sa lahat ng mga interesado ay maaaring bisitahin ang Facebook page ng DOLE.
