DOT, may panlaban na sa mga abusadong taxi o PUV driver na nambibiktima ng mga turista

DOT, may panlaban na sa mga abusadong taxi o PUV driver na nambibiktima ng mga turista

UPANG makaiwas na mabudol at mabiktima ng labis labis na paniningil ng pasahe ng mga abusadong public utility vehicle (PUV) driver sa mga turista, may hakbang ang Department of Tourism (DOT) laban dito.

Sa isang year-end media briefing nitong hapon ng Lunes, ipinaliwanag ni Tourism Sec. Christina Garcia-Frasco na karamihan sa mga turista ay hindi alam kung saan pwedeng tumawag para makapagsumbong sakaling makaranas ng nasabing insidente.

Kaya ayon kay Frasco na sa susunod na taon kanilang ilulunsad ang Tourist Assistance Call Center.

“And therefore as previously you don’t know who to call if you encounter situations like that, in our very short amount of time you will because that Tourist Assistance Call Center will connect you to the government offices that you can ask assistance from if you encounter scams of that nature,” ani Sec. Christina Garcia-Frasco.

Paliwanag ng DOT na sa pamamagitan ng Tourist Assistance Call Center ay agad na maiindorso sa mga concerned government agency ang mga reklamo ng mga banyaga o lokal na turista tulad na lamang ng labis na paniningil ng pamasahe sa mga pasahero.

“In relation to what the secretary has mentioned, that would really be the use and the advantage of our call center because we would be receiving the complaints and concerns real time. And for which we can also give immediate actions to these concerns either by the dot or by collaborating or endorsing it with the govt agencies concerned,” ayon naman kay Usec. Elaine Bathan, DOT.

Dagdag pa rito, upang mas gabayan ang mga turista na bibisita sa bansa kung anong maari at ligtas sakyan ay kanila ring ilulunsad ang programang “Look for DOT Seal.”

Sa pamamagitan anila ng programa ay nakatitiyak ang mga turista na sumusunod ang isang establisyemento o tourist vehicle sa pamantayan at regulasyon na ipinapatupad ng ahensya.

Patuloy ring magbibigay ng libreng trainings ang DOT sa mga PUV drivers na kanila ring ikinokonsiderang tourism ambassadors para sa mas maayos na serbisyo.

 “We do have trainings for tourism frontliners and that includes training taxi drivers, tricycle drivers, pedicab drivers in the Filipino brand of service excellence,” ayon pa kay Frasco.


Follow SMNI NEWS in Twitter