HANDANG batikusin si Dr. Carl Balita kung sakaling hindi niya matutupad ang tungkulin kapag pinalad na manalo bilang senador.
Ito ang inihayag ni Balita sa panayam ng SMNI News nang tanungin hinggil sa mga politikong magnanakaw.
Aniya, walang kulay ang katiwalian.
Bukod pa rito, hinikayat niya ang mga Pilipino na tumingin sa kaugalian ng isang politiko at huwag tumingin kung mayaman ba ito o mahirap.
Naniniwala si Balita na hindi porke’t mahirap ay magnanakaw na, hindi rin aniya makatitiyak na hindi na magnanakaw ang mayayaman.
Ani Balita, mas may posibilidad na magnakaw ang mga politiko na gumastos ng malaki sa pangangampanya dahil ito ay babawiin nila kapag sila ay nakaupo na.
