UMAARANGKADA na ngayong araw ang drive-thru booster vaccination site sa mga taga Maynila at hindi residente ng Maynila na matatagpuan sa Quirino Grandstand sa Luneta.
Ang naturang drive- thru booster vaccination ay bukas mula alas 8:00 ng umaga hanggang alas 5:00 ng hapon at hindi na kailangan ang pre-register online.
Matatandaan kahapon binuksan ang naturang site na pinangunahan ni Mayor Isko Moreno at ng iba pang opisyal para sa inspeksyon.
Tinatayang nasa 1,500 doses ng COVID-19 vaccine ang inilaan o nasa tatlong daang sasakyan sa mga pasahero ang papayagan na mababakunahan.
