MULING nagsagawa ng inspeksyon ang Department of Trade and Industry (DTI) sa presyo ng Noche Buena items sa isang grocery store sa Carriedo, Manila.
Pinangunahan ito ni DTI Undersecretary Ruth Castelo.
Sa inspeksyon, nakita na mas mababa nang kaunti ang presyo ng ilang Noche Buena sa Isetann Supermarket kumpara sa inilabas na price guide.
Una nang sinabi ng DTI na kayang pagkasyahin ang P488 budget para sa Noche Buena kung saan maari nang makapaghanda ang isang pamilya na may limang miyembro ng spaghetti, fruit salad, tinapay at ham.
