Educational attainment ni Agriculture Secretary Laurel, binigyang-linaw

Educational attainment ni Agriculture Secretary Laurel, binigyang-linaw

ITINAMA ni Department of Agriculture (DA) Secretary Francisco Tiu Laurel, Jr. ang mga kumakalat na maling balita patungkol sa kaniyang educational background.

Ayon sa kalihim, iba’t ibang balita na aniya ang kumalat online na umano’y nakapagtapos ng pag-aaral sa University of Santo Tomas (UST) na agad namang pinabulaanan.

 “Let me clear the air about my educational background given news reports that claim I am an alumnus of the University of Santo Tomas, or any other institution of higher learning. That is not true,” pahayag ni Sec. Francisco Tiu Laurel Jr., Department of Agriculture.

Paglilinaw ni Secretary Laurel, huminto ito sa pag-aaral sa edad na 19 upang itaguyod ang kaniyang pamilya na mahigpit na bilin ng kaniyang ama.

“I never finished my education because I became a father at 19. I needed to work to support my eldest child. My father impressed upon me that my responsibility as a father comes first,” ayon pa kay Laurel.

Bagama’t nais niya umanong makatapos ng pag-aaral, sinabi ni Laurel na hindi siya nagkaroon ng pagkakataon dahil sa trabaho at obligasyon sa pamilya.

“Like many, I dreamt of wearing a toga and receiving a diploma. But that wasn’t meant to be,” said Laurel. “The sea became my university, experiences in life taught me the value of perseverance, my children gave me the courage and inspiration to get to where I am now, and the good fortune I have today, I enjoy through God’s grace,” dagdag ni Laurel.

Sa halip ay pinagsikapan niyang palaguin ang Frabelle na nagsimula sa pangingisda na ngayon ay isa nang malaking kompanya.

Bukod diyan, ilan din sa mga negosyo nito ay may kaugnayan sa power generation, real estate development, meat at seafood processing, cold chain network, aquaculture, at ship building at repair.

Matatandaan, una na ring nilinaw ni Laurel na nagmula ito sa mga nabanggit na negosyo nang siya ay italaga ni Pangulong Marcos bilang kalihim ng Agrikultura.

 

Follow SMNI NEWS on Twitter