PINALAWIG hanggang sa katapusan ng Disyembre ang Electricity Rebate Program sa Alberta.
Aabot sa 1.9-M kabahayan, kabukiran at maliliit na negosyo ang makikinabang sa extended Electricity Rebate Program ng Alberta.
Kasama rin sa nasabing program ang $50 monthly credits ng mga electricity bill mula Hulyo, Agosto at Setyembre.
Nakasaad din sa programa na kung sino ang makatatanggap nito ay makatatanggap ng $300 credits hanggang sa katapusan ng Disyembre.
Layunin din ng programa na matulungan ang mga mamamayang lubos na apektado ng utility bills na siyang pagkakagastusan ng $600 milyon ng pamahalaan.
Simula ngayong Oktubre hanggang Marso sa taong 2023 magsasagawa ang Alberta ng Natural Gas Rebate Program.
