DUMATING na sa Pilipinas ngayong araw, Pebrero 2, 2024 sa Clark International Airport ang K-pop boy group na ENHYPEN.
Sila ang kauna-unahang artists na magsasagawa ng concert sa New Clark City Stadium sa Pampanga para sa kanilang “Fate” world tour ngayong Pebrero 3.
Matatandaang huling bumisita ang ENHYPEN noong Pebrero 2023 para sa kanilang three-night “Manifesto” concert sa Mall of Asia Arena.
Binubuo ang grupong ENHYPEN nina Jungwon, Heeseung, Jay, Sunghoon, Jake, Sunoo, at Ni-ki.
Sikat sila sa mga kanta tulad ng “Polaroid Love”, “Paradoxx Invasion”, “Bite Me”, “Fever”, “Drunk-Dazed”, “Tame-Dashed”, “Future Perfect”, at iba pa.