TUMANGGAP ang Armed Forces of the Philippines (AFP) ng eroplano mula sa Semirara Mining and Power Corporation ng pamilya Consunji.
Pinangunahan nina AFP Chief of Staff General Andres Centino, Philippine Army Vice Commander Major General Henry Doyaoen at Defense Undersecretary Cardozo Luna ang paglagda sa Deed of Donation sa turnover ceremony sa Ninoy Aquino International Airport (NAIA).
Nabatid na ang Short Brothers & Harland SD3-30 Aircraft ay twin-engine turboprop aircraft na kayang magsakay ng 27 pasahero.
Sinabi ni Luna na makatutulong ang eroplano sa Aviation Force ng Philippine Army lalo na sa pagtupad ng kanilang misyon.
Ayon kay Doyaoen, gagamitin nila ang eroplano sa pagbibigay ng suporta sa ground troops.
