MALAKI ang pasasalamat na ipinabatid ng K-pop boy group na EXO sa kanilang fans kasabay ang isinagawang fan meeting para sa kanilang 12th Anniversary.
Anila, matagal-tagal na rin nang huli nilang makita ang kanilang fans at lightsticks na iwinawagayway ng EXO-Ls para sa kanila.
Ang fan meeting ay ginanap sa Yeongjongdo, Incheon nitong Abril 14, 2:00 ng hapon at 7:00 ng gabi.
Kasama sa fan meet sina Suho, Xiumin, Baekhyun, Chen, Chanyeol at Do.
Si Kai at Sehun ay kasalukuyang nasa military service habang ang Chinese member na si Lay ay nasa kaniyang solo promotions partikular na sa China.
