NANAWAGAN si Davao City Rep. Paolo Duterte na palawigin pa ang TESDA services sa kanilang siyudad.
Panawagan nito na magtayo ng district office ang TESDA sa Davao City para mas maraming kabataan ang makatanggap sa mga programa ng ahensiya.
Saad nito, may 182 barangays ang siyudad na may 1.78 million na populasyon kaya malaking tulong kung mapalalawig ang mga serbisyo ng TESDA doon.
Sa kasalukuyan, may 113 registered private technical vocational institutions sa siyudad at may 3 public training stations.
Mayroon ding 504 registered Technical Education and Skills Development Authority (TESDA) programs sa siyudad at 33 accredited assessment centers.
At kung may TESDA regional office sa siyudad, asahan ani Duterte na mas marami pang kabataan ang makaka-avail sa libreng tech-voc courses na alok ng pamahalaan.
Naghahanap naman ngayon ang tanggapan ni Cong. Duterte ng TESDA scholars at dapat 18 ang mga ito at high school graduate.
Narito naman ang available na tech-voc courses:
- Automotive Servicing NC I
- Shielded Metal Arc Welding (SMAW) NC I
- Electrical Installation and Maintenance NC II
- Health Care Services NC II
- Computer Systems Servicing NC II
- Shielded Metal Arc Welding (SMAW) NC II
At pwedeng mag-aral sa mga sumusunod na institusyon:
- Davao Institute of Technical Education, Inc.
- Toyozu Technical School Foundation, Inc.
- Efficio Training, Inc.
- St. Patrick Math-Sci School, Inc.
- Core Institute of Technology, Inc.