HINDI expired at substandard ang face shield na binili ng gobyerno sa Pharmally ayon kay Krizle Grace Mago.
Nakahinga ng maluwag at nakasagot ng matino si Krizle Grace Mago, ang opisyal ng Pharmally Pharmaceutical Corporation nang humarap ito sa kamara ngayong-araw.
Nauna nitong sinabi sa senado na tinampered nila ang expiry date ng face shield na binenta ng Pharmally sa gobyerno.
“Na-pressure at natakot,”ayon kay Mago.
Yan ang rason ng Pharmally Executive na si Krizle Grace Mago sa pagharap nito sa imbestigasyon ng House Blue Ribbon Committee nitong Lunes.
Nang humarap ito sa Senado, nabanggit nito na tinampered nila ang expiration dates ng faceshield na binenta ng Pharmally Pharmaceutical Corp. sa gobyerno nitong nakaraang taon.
“I do admit that it was a pressured response. Given the amount of pressure I was given at that time and even the rush of the motions associated with the allegations made and my subsequent admission, I was in my proper frame of mind to think clearly,”ayon kay Mago.
Mangiyak-ngiyak namang nagpaliwanag si Mago kung bakit hindi ito mahagilap ng ilang araw matapos humarap sa senado.
“I tested positive during the hearings which resulted in decline of my physical and emotional health. Additionally the overwhelming pressure and the intense scrutiny of the investigations have had a detrimental effect on my mental health. Over and above this, my personal mobile number and even my current place of address were also revealed publicly. This violated my right to privacy as a private citizen and also resulted in unwanted harassment and even disturbing messages and calls,”dagdag nito.
Binawi rin nito ang nauna niyang pahayag at iginiit na walang tampering na nangyari sa mga face shield na binili.
Handa rin daw ito sakaling kasuhan ng perjury.
“Mr Chairman, the face shields were not expired and substandard. And I’ve mentioned in my opening statement that the damaged face shields were immediately segregated for proper disposal po,”ayon kay Mago.
Samantala, pinuna naman ni Deputy Speaker Marcoleta ang pag-aresto ng senado sa isa sa kanilang resource persons.
Ginawa kasi nila ito kay Pharmally Director Lincoln Ong na sakop ng imbestigasyon ng senate blue ribbon committee.
Ayon kay Marcoleta, ang korte lamang at hindi ang senado ang may karapatan na magpa-aresto.
“Not even the rules of the Senate of the Philippines including the rules of the blue ribbon committee wala silang power na mag-order of arrest. What they can do is to go to court and ask for an order of arrest. Ganun kasi ang sistema ng ating pamahalaan. Even the national prosecution service, kahit na ang ating mga piskalya hindi naman sila ang nagpapa-aresto. Not even the Department of Justice can do that,”ayon kay Cong. Marcoleta.
Pinatamaan rin nito ang istilo ng pagtatanong ng mga taga senate blue ribbon kay Mago lalo na si Committee Chairman Dick Gordon.
Marcoleta: “Kung matino kang babae sabi niya sayo diba, did you hear that?
Mago: “Opo”
Marcoleta: “Tinatanong ko lang naman, ganito ganito… Mayayayaman sila may mga kotse, kung matino kang babae something like that, so all those things you felt. At ang huli niyang tinanong sayo, pag-tinanong pa kita ngayon baka mahulog kana sa silya mo. These are the kinds of threatening and intimidating environments you were placed in.”
Ayon kay Mago maayos niya itong nasagot ang mga tanong sa kamara na walang atmosphere of pressure.
“Dito po sa House of Representatives, ang questions is isa-isa lang po. Tapos pinapakinggan po kami, pinapatapos po kami sa aming mga sagot. Although strict din po ang investigation, wala pong atmosphere of pressure. And also wala ring sumasabat during the time na sumasagot kami per question po your honor,’’ayon kay Krizle Grace Mago.
