TALAGA namang nakaka-proud maging Pinoy dahil na-nominate lang naman sa first-ever Music Awards Japan 2025 ang Filipino singer and songwriter na si Maki, heartfelt acoustic singer na si TJ Monterde, at ‘di naman nagpahuli ang super boy group ng Pilipinas na SB19.
Final nominees sila sa pinakamalaking music awards show sa Japan na magaganap sa Mayo 21 at 22 ngayong taon sa pinaka-prestihiyosong Rohm Theater Kyoto, sa Kyoto, Japan.
Mahigit sixty award categories ang ibibigay ng award-giving body kasama riyan ang six major categories. Bawat kategorya ay may sub-categories, kabilang dito ang 23 divisions sa song category, 7 divisions sa international song category, 5 divisions sa album category, 12 divisions sa artist category, at 3 divisions naman sa alliance category.
Nominated ang SB19 para sa Request Special Award: Oshikatsu Request of the Year by USEN category, at siyempre ang “Palagi” ni TJ at “Dilaw” naman ni Maki ay kasama sa 30 songs na Best of Listeners’ Choice: International Song Powered by Spotify fan-voted category.
Good news din dahil bukas pa rin ang online voting para sa Best Listeners’ Choice. Pwedeng makaboto ang fans ng tatlong beses sa isang araw sa kanilang paboritong kanta sa pamamagitan ng Spotify mobile app hanggang Abril 30, ngayong taon.
Hindi lang ‘yan dahil makatatanggap din ng Special Award: Philippine Popular Music Category ang mapipiling ‘Song of the Year,’ na posibleng makuha ng isa sa mga home-grown Filipino artist.
Ang Music Awards Japan ay magiging “Asian version” ng Grammy Awards at soon to be Japan’s largest music awards show.
Kaya good luck sa inyo TJ, Maki and SB19!
