SINABI ni Bureau of Corrections (BuCor) chief Gregorio Catapang Jr. na maghahain sila ng kasong plunder laban kay Gerald Bantag hinggil sa umanoy kwestyonableng pag-release ng pondo para sa konstruksyon ng prison facilities.
Nagkakahalaga ito ani Catapang ng isang bilyong piso.
Posibleng ngayong Biyernes o sa susunod na linggo ihahain ng BuCor ang naturang plunder case.
Binigyang-diin ni Catapang na may sapat silang ebidensya na magpapatunay na nai-release na ang halos P300-M na pondo kahit hindi natapos ang proyekto.
Maliban pa rito, susuriin din ng Anti-Money Laundering Council (AMLAC) ang bank accounts ni Bantag at ng kanyang pamilya para malaman kung may nangyayaring transfer ng nai-release na pondo.
