HINDI pang-habang buhay na magiging senador ayon kay Pangulong Rodrigo Roa Duterte si Senator Richard Gordon.
Binalaan ni Pangulong Duterte sa kanyang talk to the people si Senator Richard Gordon na hindi pang-habang buhay na magiging senador.
Dagdag pa ni Pangulong Duterte, inaabuso ni Sen. Gordon ang mga tao sa isinasagawang inquiry ng senado hinggil sa pagbili ng over-priced COVID-19 supplies.
Ani Pangulong Duterte, nakalimutan na ng mga senador ang kanilang mga purpose at sinisigawan pa ang mga tao sa pagdinig.
Babala ni Duterte kay Gordon, darating din ang day of reckoning para sa nasabing mambabatas.
‘’Ayaw ko lang mag-yabang… darating din ang panahon para sa iyo,’’ayon kay Pangulong Duterte.
Bukod pa rito, dinepensahan din ni Pangulong Duterte ang kanyang utos na hindi pasasalihin sa senate inquiry ang mga cabinet members upang maprotektahan ang mga ito mula sa mga insulto ng mga senador.
Una na ring pinuna ni Duterte si Senator Francis “kiko” Pangilinan dahil sa pananakot nito sa mga tao.
Binalaan din ng pangulo ang mga senador na ipapakulong kung i-cite in contempt ng mga ito ang mga cabinet member.
