HINIRANG ng People Magazine bilang “Sexiest Man Alive’ ngayong taon ang American actor na si Patrick Dempsey.
Naagaw ng 57-year old actor ang titulo na hawak ni Captain America Star Chris Evans noong 2022.
Sumikat si Patrick sa ABC Series na ‘Grey’s Anatomy’ bilang ang neurosurgeon na si Dr. Derek Shepherd a.k.a McDreamy.
Nagpahayag naman ng pagkagulat sa kaniyang bagong titulo si Patrick at aniya ay hindi pa niya ito pinaniwalaan noong una.
Dagdag pa ng aktor, nagbigay aniya ito sa kaniya ng platform na magagamit para sa positibong mga bagay.
Inaasahan naman ni Patrick na kakantiyawan siya ng kaniyang asawang si Jilian at mga anak sa pagkakahirang bilang “Sexiest Man Alive”.
