MAGKAKAROON ng European at Middle Eastern Tour ang American hard rock band na Guns N’ Roses sa susunod na taon.
Sa magiging 24-date tour, kasama sa schedule ng banda sa unang pagkakataon ang mga bansa tulad ng Saudi Arabia, Georgia, Lithuania, at Luxembourg.
Ang kick off ng tour ay sa May 23, 2025 Sa Saudi Arabia Kingdom Arena at magsusunod-sunod na ito papuntang Bulgaria, Serbia, Turkey, Portugal, Spain, Italy, Czech Republic, Germany, United Kingdom, Denmark, Norway, Sweden, Finland, Poland, Hungary, at Austria.
Ang pre-sale ay magsisimula, ngayong araw, Disyembre 10, 2024, 9 AM US time habang ang general sale ay sa Disyembre 13, 9 AM US time.
Sikat ang Guns N’ Roses sa mga kanta tulad ng ‘November Rain’, ‘Sweet Child O’ Mine’, ‘Estranged’, ‘Rocket Queen’, ‘Welcome to the Jungle’ at marami pang iba.
