NAKUMPISKA ng pulisya ang 442,000 pisong halaga ng hinihinalang shabu sa buy-bust operation sa Jose Panganiban, Camarines Norte.
Ayon kay PRO 5 Regional Director Police Brigadier General Rudolph Dimas, nahuli sa operasyon ang high-value individual (HVI) na kinilalang si Armando Clores Jr., alyas Buchoy.
Kabuuang 65 gramo ng iligal na droga ang nakuha ng pulisya kay Clores.
Nasa kustodiya na ng Jose Panganiban Municipal Police Station ang suspek na sasampahan ng paglabag sa RA 9165 o Comprehensive Dangerous Drugs Act of 2002.
Pinuri ni Brigadier General Dimas ang kanilang mga tauhan sa matagumpay na operasyon kontra iligal na droga sa tulong ng KASIMBAYANAN.
