NAARESTO ng mga tauhan ng Philippine National Police-Anti-Kidnapping Group (PNP-AKG) sa tulong ng PNP Special Action Force (SAF) ang isang hinihinalang taga-suporta ng Maute Group.
Ayon kay PNP-AKG director PBGen. Rodolfo Castil, Jr., kinilala ang nahuli na si Fahad Makil Lumiguis, alyas Fahad Lumiguis Alangca, Abdul Raffy at Alu.
Si Lumiguis ay 6th most wanted person sa municipal level at 7th most wanted person sa Bangsamoro Autonomous Region in Muslim Mindanao (BARMM).
Nahuli ang suspek sa Brgy. Basagad, Balo-I, Lanao del Norte na sangkot sa high-profile kidnappings at serious illegal detentions.
Nahaharap ang suspek sa paglabag sa RA 9165 o Comprehensive Dangerous Act at RA 10591 o Comprehensive Firearms and Ammunition Regulation Act.
Nakuha ng mga awtoridad ang isang Colt cal. 45 at magazine.
