ARESTADO ang lalaking kinilalang alyas Carding, Karding, Ojab, Pastor, 60 anyos, residente ng E. Rana St. Brgy. Maytalang 1, Lumban, Laguna.
Sa bisa ng Search Warrant na inisyu ni Hon. Agripino R. Bravo, Executive Judge, Regional Trial Court, Fourth Judicial Region, Lucena City, Quezon, nakumpiska mula sa suspek ang 1,510 gramo ng shabu.
Nagkakahalaga ito ng mahigit P10M.
Bukod sa shabu, nakumpiska rin mula sa suspek ang 301 gramo ng pinatuyong dahon ng Marijuana na may halagang P37,625.
Nasa kostudiya na ng Regional Forensic Unit 4A, Camp Vicente Lim, Calamba, Laguna ang mga ebidensiya para sa laboratory exam nito.
