HINDI dapat mabago ang iconic jeepney design sa gitna ng isinusulong na public utility vehicle design o PUV modernization.
Ito ang pakiusap ni Sen. Francis Tolentino sa transport department.
Aniya, ang disenyo ng traditional na jeepney ay kabahagi na ng kasaysayan, kultura, at tradisyon ng transportasyon sa bansa.
Ayon naman kay Department of Transportation’s (DOTr) Chairman of Transportation Cooperatives Andy Ortega, mas nakatutok sila sa environment-friendly na modernisadong sasakyan at mapanatili ang kaligtasan.
Gayunpaman, tiniyak ni Ortega kay Sen. Tolentino na isasama nila sa paghikayat sa kooperatiba na pumili ng mga modernong jeepneys na may iconic na disenyo ng Pilipino.
