PINASALAMATAN ng AFP Western Mindanao Command (WestMinCom) ang Special Operations Task Force 511.2 ng Estados Unidos sa pagtatapos ng kanilang anim na buwang misyon.
Ginawaran ni AFP WestMinCom Commander Lieutenant General Roy Galido ng Command Plaque at Plaque of Appreciation si outgoing SOTF 511.2 Commander Major Scott Cook matapos mag-exit call kasama ang iba pang opisyal.
Ayon kay Galido, kinikilala nila ang mahahalagang kontribusyon ng SOTF 511.2 sa WestMinCom.
Partikular aniya ang technical intelligence support at special trainings upang mapagbuti ang operasyon ng militar laban sa mga terorista.
Maliban dito, pinagkalooban ni Colonel Elmer Suderio, Chief of Unified Command Staff ng Military Civic Action Medal si Major Cook at iba pang opisyal at miyembro ng kanilang grupo.
